Naglabas ng opisyal na pahayag ang Malacañang hinggil sa biglaang pagkamatay ni dating DPWH Undersecretary Catalina Cabral, na natagpuang wala nang buhay matapos umanong mahulog sa bangin sa Kennon Road, Benguet. Ayon sa Palasyo, lubhang nalungkot at nagulat sila sa pangyayari lalo na’t papalapit ang Pasko at wala silang inaasahang ganitong trahedya.
“Napakalungkot at hindi namin inaasahan ang biglaang pagpanaw ni dating Undersecretary Cabral, lalo na ngayong papalapit ang Pasko. Nakikiramay kami sa kanyang pamilya. Tinitiyak namin sa publiko na hindi kami titigil hanggang makamit ang hustisya at malinawan ang lahat ng detalye sa likod ng kanyang pagkamatay.” -Malacañang
Binanggit ng Malacañang na hindi nila tatratuhin ang insidente bilang simpleng aksidente lamang, titiyakin nilang makakamit ang hustisya at malinaw na malalaman ang tunay na dahilan ng pagkamatay ng dating opisyal.
Sa pahayag ng Palasyo, ipinahayag nila na tulad ng publiko, nabigla sila sa biglaang balita. Kilala si Cabral bilang isa sa pinakamatagal na nagsilbi sa DPWH at naging bahagi rin ng mga iniimbestigahang proyekto kaugnay ng flood control scandal.
Ayon sa Malacañang, hindi nila iisara ang kaso hangga’t hindi natatapos ang kompleto at malalim na imbestigasyon, at nakakasiguro ang pamilya ni Cabral na hindi basta-basta isasantabi ang nangyari.
Tiniyak ng Malacañang na hindi nila pababayaan ang kaso at mananatiling bukas ang lahat ng anggulo sa kanilang pagsisiyasat. Anila, hindi nila hahayaang lumabas na parang walang naganap, lalo na’t isa itong opisyal ng gobyerno na may kaakibat na responsibilidad at kwento sa likod ng kontrobersya.
Ang pagkamatay ni Catalina Cabral ay nag-iwan ng maraming tanong at pangamba sa publiko. Habang nagpapatuloy ang imbestigasyon ng PNP at mga awtoridad, malinaw ang posisyon ng Malacañang: hindi nila hahayaang manatiling misteryo ang insidenteng ito.
Walang komento:
Mag-post ng isang Komento