Isang napakalakas na sampal sa Kongreso at sa Malacañang ang inilabas na desisyon ng Supreme Court matapos ideklarang unconstitutional at labag sa batas ang unprogrammed funds na nakapaloob sa 2025 National Budget na pinirmahan ni Pangulong Ferdinand Marcos Jr.
Ayon kay Supreme Court Justice Ramon Paul Hernando, malinaw at hindi mapasusubalian ang kanilang pahayag: “At the core of this controversy lies an undeniable truth: Unprogrammed funds in the GAA are unconstitutional.”
“Unprogrammed funds have no place in the GAA. They violate the Constitution, encourage insertions, and weaken transparency. It is time Congress enacts a special appropriations law to end this practice once and for all.” -Justice Ramon Paul Hernando, Supreme Court
Ibig sabihin, ang pondo na walang malinaw na programang paglalaanan kahit pa nakasulat sa General Appropriations Act (GAA) ay hindi maaaring ilagay, ipasa, o ipatupad. Isa itong paglabag sa Saligang Batas at isang malinaw na pinto para sa abuso at budget insertions.
Ang desisyon ng Supreme Court ay isang malinaw na panawagan sa accountability ng administrasyon. Ang deklarasyon na unconstitutional ang unprogrammed funds ay hindi lamang batikos, ito ay babala na dapat nang tapusin ang budget manipulation na ilang taon nang inirereklamo ng publiko.
Walang komento:
Mag-post ng isang Komento