Sa gitna ng pagtalakay ng Senado sa mga panukalang batas laban sa paglaganap ng fake news, bigla at diretsahang nagtanong si Senator Robin Padilla: “Hindi ba character assassination sa Bise Presidente ay banta na sa national security?”
Ayon kay Robin, hindi maikakaila na mabilis kumalat ang maling impormasyon at mapanirang mga pahayag sa social media. Ngunit ang mas seryoso raw na tanong ay kung hanggang saan ang epekto nito lalo na kung ang tinitira ay isang mataas na opisyal ng bansa tulad ng Vice President.
“Kung ang character assassination sa Bise Presidente ay nakakasira ng tiwala ng taumbayan sa gobyerno, hindi ba ‘yan banta sa national security? Hindi ba dapat natin itong aksyunan agad?” -Sen. Robin Padilla
Sa pagdinig ng Senate Committee on Public Information and Mass Media, iginiit ni Padilla na ang malisyosong pag-atake sa karakter ng Bise Presidente ay maaaring magdulot ng kaguluhan, pagkawatak-watak ng tiwala ng publiko, at pag-osyo ng respeto sa institusyon ng gobyerno. Kung ganoon, maaari raw itong ituring na banta sa seguridad ng bansa.
Habang ipinaglalaban ng ilan ang kalayaan sa pagpapahayag, ipinapaalala naman ni Robin na ang pagkasira ng integridad ng mga opisyal at institusyon ay maaaring magdulot ng mas malaking destabilization. Sa huli, ang balanse sa pagitan ng free speech at national security ang patuloy na hamon sa digital era.
Walang komento:
Mag-post ng isang Komento