Diretsahan at walang paligoy-ligoy na binatikos ni Senator Kiko Pangilinan ang Marcos administration kaugnay ng flood control anomaly, na tinawag niya bilang pinakamalaking corruption scandal sa kasaysayan ng Pilipinas.
Ayon sa senador, hindi ito simpleng pagkakamali o administrative lapse, ito ay sistematikong katiwalian na posibleng umabot sa bilyon-bilyong piso ng pondong pampubliko.
“Ito ang pinakamalaking corruption scandal sa buong kasaysayan ng Pilipinas at sa Marcos administration ito nangyari. Now is the time to make a stand. Hindi puwedeng neutral. Hindi puwedeng nagwawalang-kibo sa ganitong klase ng katiwalian.” - Sen. Kiko Pangilinan
Sa kanyang matapang na pahayag, iginiit ni Pangilinan na ang lawak at lalim ng anomalya ay nagpapakita ng antas ng impluwensya at kontrol na dapat ay nirespeto at ginamit para sa kapakanan ng bayan, hindi para sa katiwalian.
Binanggit niya na hindi kayang gawin ito ng mga karaniwang opisyal; tanging administrasyong may kapangyarihang humawak ng ganitong laki ng pondo ang may kakayahang magmaniobra ng flood control projects sa ganitong paraan.
Nanawagan din si Pangilinan sa taumbayan at mga kasamahan niya sa gobyerno na oras na para pumili ng panig. Hindi raw katanggap-tanggap ang pananahimik o pagiging neutral sa gitna ng iskandalong sumisira sa integridad ng gobyerno.
Sa matapang na panawagan ni Sen. Kiko Pangilinan, mas lalo pang umigting ang panawagan para sa transparency at tunay na accountability sa flood control anomaly.
Walang komento:
Mag-post ng isang Komento