Muling umapela si Father Flaviano “Flavie” Villanueva sa sambayanang Pilipino na huwag hayaang manaig ang kasamaan at kawalan ng katarungan, lalo na sa gitna ng patuloy niyang panawagan na magbitiw sa puwesto si Vice President Sara Duterte.
“Huwag nating hayaang manalo ang kasamaan. Sama-sama nating isigaw ang katotohanan, at sama-sama nating hingin ang pagbitaw ni VP Sara. Ang laban na ito ay laban ng bayan, hindi lamang laban ko.” – Father Flavie Villanueva
Ayon kay Father Flavie, hindi ito laban para sa kanya o laban para sa simbahan, kundi laban para sa katotohanan at moralidad na matagal nang ipinaglalaban ng mga taong nawalan ng boses dahil sa pang-aabuso ng kapangyarihan.
Dagdag niya, ang pagpanig sa tama ay hindi lamang gawa ng tapang, kundi gawa ng pananampalataya at konsensya. Direkta niyang sinabi na ang mga alegasyon ng pagwaldas sa confidential fund, panggigipit, at paggamit sa kapangyarihan para sa sariling interes ay hindi dapat ipagsawalang-bahala.
Ang panawagan ni Father Flavie ay malinaw na panahon na para tumindig ang taumbayan. Sa harap ng katiwalian, pag-abuso, at kawalan ng pananagutan, hindi sapat ang pananahimik.
Walang komento:
Mag-post ng isang Komento