Nagbigay ng matapang at pasaring na pahayag si dating Commission on Elections (Comelec) Commissioner Rowena Guanzon laban kay Martin Romualdez, matapos umanong ito ang nanguna sa pagsulong ng impeachment laban kay Sara Duterte ngunit ngayon ay nahaharap naman siya sa bantang pagkawala sa pwesto bilang House Speaker.
Sa isang viral post, binira ni Guanzon si Romualdez at sinabing:
“Nauna ka pang matanggal sa pinapa-impeach mo. Ok lang ’yan beh, ganyan talaga. Kung sino pa ang nagbabalak magpatalsik sa iba, siya pa ang unang natanggal. Ganyan talaga ang karma sa politika.”
Ang kanyang pahayag ay itinuring ng maraming netizens bilang patama sa lumalalang sigalot sa loob ng House of Representatives, kung saan kinukuwestiyon na ang pamumuno ni Romualdez dahil sa mga umugong na alegasyon ng katiwalian at isyu sa flood control projects.
Ang patutsada ni Guanzon ay dumating sa gitna ng mga ulat na plano umanong alisin sa puwesto si Romualdez bilang Speaker, kasabay ng mga panawagang imbestigahan ang mga umano’y anomalya sa paggamit ng bilyun-bilyong pondo ng gobyerno.
Maraming netizens ang natawa at sumang-ayon sa mapanuyang pahayag ni Guanzon, habang ang iba naman ay nanawagang seryosohin ang mga alegasyon laban kay Romualdez at huwag gawing biro ang isyu ng katiwalian.
Ang patutsada ni Rowena Guanzon ay sumasalamin sa matinding tensyon at bangayan sa loob ng Kongreso, habang patuloy na lumalakas ang mga panawagang papanagutin si Martin Romualdez sa mga alegasyon ng katiwalian. Habang wala pang pinal na desisyon ukol sa kanyang posisyon, nagpapakita ito kung gaano kabilis magbago ang mga alyansa at kapangyarihan sa larangan ng politika.
Walang komento:
Mag-post ng isang Komento