Isa si Alden Richards, isa sa pinakasikat at pinakaminamahal na aktor ng bansa, sa mga personalidad na hayagang nagpahayag ng pagkadismaya sa talamak na korapsyon sa pamahalaan. Sa kanyang pahayag, hindi itinago ni Alden ang galit at pagkadismaya sa mga opisyal ng gobyerno na patuloy na nagpapayaman habang ang mga karaniwang Pilipino ay patuloy na nagdurusa.
“Actually, it’s not really more of me paying a lot of taxes every year. It’s when I see people suffering from that. That’s what I cannot take not as a taxpayer but as a Filipino,” ani Alden.
Ayon sa aktor, hindi siya galit sa pagbabayad ng buwis, ngunit labis siyang nadidismaya sa maling paggamit ng pondong ito. Habang ang mga korap ay nakatira sa mga malalaking bahay at mahimbing na natutulog sa malamig na aircon, libu-libong Pilipino naman ang nawawalan ng tirahan, kabuhayan, at maging mga mahal sa buhay tuwing may kalamidad.
“Du’n ako galit na galit. Na kayo, ‘tong mga corrupt na ‘to, nakakatulog kayo sa aircon, sa malalaking bahay. Tapos ’yung mga tao, ’pag bumaha, ’pag may nangyaring calamity, ultimo family members nila, ultimo buhay nila, nawawala… That’s why I’m all for the movement against corruption,” dagdag pa ni Alden.
Ipinahayag din ni Alden na hindi lang ito usapin ng pagiging taxpayer, kundi isang mas malalim na damdamin bilang isang Pilipinong may malasakit sa kapwa. Para sa kanya, ang tunay na diwa ng pagiging mamamayan ay ang makita ang bawat isa na umaasenso at hindi nagdurusa dahil sa kasakiman ng iilan.
Ang matapang na pahayag ni Alden Richards ay paalala sa bawat Pilipino na ang laban kontra korapsyon ay hindi lamang responsibilidad ng iilan, ito ay laban nating lahat. Hindi sapat ang manahimik at tanggapin na lamang ang maling sistema. Kung gusto nating makita ang isang maunlad at patas na bansa, kailangang manindigan laban sa mga mapagsamantalang nasa kapangyarihan.
Walang komento:
Mag-post ng isang Komento