Nagbigay ng matapang na pahayag si Pangulong Ferdinand Marcos Jr. ngayong Lunes mula sa Malacañang, na suportado niya ang mga kilos-protesta ng mamamayan laban sa umano’y katiwalian sa multi-bilyong pisong flood control projects ngunit nananawagang panatilihin itong mapayapa.
Ayon sa Pangulo, naiintindihan niya ang galit ng publiko lalo na matapos lumabas ang mga ulat tungkol sa malalaking iregularidad sa mga nasabing proyekto.
“Look what we have found. Do you blame them for going out into the streets? If I wasn’t President, I might be out there with them. Of course, they are enraged. I’m angry, too. We should all be angry, because what’s happening is not right,” ani Marcos.
Binanggit ng Pangulo na may karapatan ang bawat mamamayan na ipahayag ang kanilang saloobin at hilingin ang pananagutan ng mga tiwaling opisyal. Hinikayat niya ang mga grupo na gamitin ang kanilang tinig, ngunit paalala niya na dapat itong gawin nang walang karahasan.
“Make your sentiments known. Tell them how they hurt you, how they stole from you. Shout, demonstrate just keep it peaceful,” dagdag ni Marcos.
Nagbabala rin siya na kung mauuwi sa karahasan ang mga kilos-protesta, mapipilitan ang mga awtoridad gaya ng pulisya na kumilos.
Ang pahayag ni Ferdinand Marcos Jr. ay nagpapakita ng kanyang pagkilala sa karapatan ng bawat mamamayan na magpahayag laban sa katiwalian, kasabay ng panawagang panatilihin ang kapayapaan at kaayusan.
Sa panahong mataas ang galit ng publiko, mahalagang maiparinig ang boses ng mamamayan nang may respeto at disiplina, upang makamit ang layuning hustisya at pagbabago nang hindi nasisira ang katahimikan ng lipunan.
Walang komento:
Mag-post ng isang Komento