Umigting lalo ang usapin tungkol sa kontrobersyal na flood control projects matapos pinangalanan ni Contractor Pacifico “Curlee” Discaya II ang ilang mambabatas at opisyal ng Department of Public Works and Highways (DPWH) na umano’y sangkot sa anomalya ng mga proyekto.
"Hindi madali ang magsalita laban sa malalaking pangalan, pero naniniwala ako na dapat malaman ng taumbayan ang katotohanan. Panahon na para linisin ang sistema at papanagutin ang mga nag-abuso sa kapangyarihan." -Pacifico “Curlee” Discaya II
Sa pagpapatuloy ng pagdinig ng Senate Blue Ribbon Committee nitong Lunes, Setyembre 8, sinabi ni Discaya na may mga opisyal at kongresista na umano’y humingi o tumanggap ng pera mula sa mga kontrata ng flood control projects.
Kasama sa listahan ng mga pinangalanan nina Discaya ang mga sumusunod:
Terrence Calatrava
Cong. Roman Romulo
Cong. Jojo Ang
Cong. Patrick Michael Vargas
Cong. Juan Carlos “Arjo” Atayde
Nicanor Briones
Cong. Marcy Teodoro
Cong. Florida Robes
Cong. Elijandro Madronio
Cong. Benjamin Agarao Jr.
Cong. Florencio Noel
Cong. Reynante Arrogancia
Cong. Marvin Rillo
Cong. Leody Tarriela
Cong. Teodoro Haresco
Cong. Antonieta Eudela
Cong. Dean Asistio
Cong. Marivic Co-Pilar
Ang rebelasyong ito ay agad nagdulot ng malakas na reaksyon mula sa publiko, na lalo pang nagpalakas ng panawagan para sa transparency, imbestigasyon, at pananagutan sa loob ng gobyerno.
Ayon sa mga senador, sisikapin nilang tiyakin na makakamit ang hustisya at mapapanagot ang sinumang mapatunayang sangkot.
Ang naging pahayag ni Curlee Discaya ay isang malaking hamon sa integridad ng mga institusyon ng gobyerno. Sa paglabas ng listahan ng mga mambabatas at opisyal na umano’y sangkot, mas lumalakas ang panawagan para sa masusing imbestigasyon at pananagutan.
Kung mapatutunayan ang mga akusasyon, ito ay magsisilbing wake-up call upang tuluyang wakasan ang kultura ng katiwalian. Subalit, kung wala itong sapat na ebidensya, dapat ding protektahan ang reputasyon ng mga napangalanan.
Walang komento:
Mag-post ng isang Komento