Sa murang edad na 13, pinatunayan ni Cholo na hindi hadlang ang kabataan upang maging responsable at matulungin sa pamilya. Araw-araw siyang nangangalakal ng mga barya, plastic, at iba pang mapagkakakitaan hindi lang para may pambili ng pagkain, kundi para matustusan ang pangangailangan ng kanilang tahanan.
“Hindi po madali, pero kapag para sa pamilya, gagawin ko po lahat. Gusto ko pong makatulong kahit bata pa lang ako.” -Cholo
Sa bawat sentimong kanyang naiipon mula sa pangangalakal, unti-unti niyang naipundar ang ilang gamit sa kanilang bahay, tulad ng mga simpleng kasangkapan na nakatulong upang mas gumaan ang buhay ng kanyang pamilya.
Hindi lamang iyon tumutulong din si Cholo sa pagbibigay ng baon sa kanyang mga nakababatang kapatid upang sila ay makapasok sa paaralan nang may laman ang tiyan at may baong pag-asa.
Maraming netizens ang naantig sa kwento ni Cholo at sinabing isa siyang magandang halimbawa ng kabataan na may malasakit at dedikasyon para sa pamilya. Sa halip na maglaro gaya ng ibang kaedad niya, mas pinili niyang magsumikap at maging katuwang ng kanyang mga magulang sa hamon ng buhay.
Ang kwento ni Cholo ay patunay na ang tunay na kayamanan ay hindi nasusukat sa dami ng pera, kundi sa laki ng puso at malasakit sa pamilya. Sa murang edad, naipakita niyang ang bawat sakripisyo, gaano man kaliit, ay may malaking epekto kapag nagmumula sa pagmamahal.
Walang komento:
Mag-post ng isang Komento