Hindi napigilan ni Dani Barretto ang kanyang emosyon matapos mapanood ang nakagugulat at brutal na eksena ni Joem Bascon bilang si Manuel sa primetime teleseryeng “Incognito.” Sa kanyang viral TikTok reaction video, diretsahan niyang tinawag na “so evil, so mean” ang karakter ni Joem dahil sa sunod-sunod na pagpatay sa mga pangunahing tauhan ng serye.
“Kahit alam kong karakter lang si Manuel, grabe talaga yung epekto. Hindi ako makapaniwalang sunod-sunod niyang pinatay halos lahat ng mahalagang tauhan! Nakakagalit pero ang galing niya.” -Dani Barretto
Si Dani, na kilala bilang content creator at kapatid ng aktres na si Julia Barretto, ay todo ang reaksyon habang pinapanood ang serye. Aniya:
“Unacceptable. How dare that Manuel. That man is so evil. He’s so mean!”
— Dani Barretto,
Ang matinding eksenang tinutukoy ni Dani ay kung saan pinatay ni Manuel (Joem) ang ama ni Gab (Maris Racal), ang mga ina nina Max (Kaila Estrada), ang ninong at kapatid ni Tomas (Anthony Jennings), at ang ama ni JB (Richard Gutierrez). Sunod-sunod at walang awa ang bawat eksena dahilan kung bakit maraming netizens ang nashock, at si Dani ang naging boses ng kanilang nararamdaman.
Kahit puno ng galit at pagkadismaya ang kanyang komento, pinuri si Dani ng netizens dahil sa pagiging totoo at natural sa kanyang reaksyon. Para sa marami, ipinakita lang nito kung gaano ka-epektibo at nakakabitin ang kwento ng “Incognito.”
Ang reaksyon ni Dani Barretto ay isang patunay kung gaano kahusay ang storytelling at pag-arte sa “Incognito.” Sa mundo ng showbiz, kapag ang isang aktor ay naiinisan ng mga manonood gaya ng nangyayari ngayon kay Joem Bascon senyales ito ng napakahusay na pagganap bilang kontrabida.
Walang komento:
Mag-post ng isang Komento