Sa halip na musika ni Chris Martin ang maging bida sa Coldplay concert sa Gillette Stadium sa Boston, isang romantikong eksena sa audience ang humakot ng atensyon at hindi ito eksenang inaasahan!
Nang mapatapat sa stadium’s jumbotron ang camera, tumambad sa lahat si Andy Byron, CEO ng tech company na Astronomer, habang mahigpit ang yakap sa likod ng isang babae hindi ang kanyang misis kundi ang HR officer ng sariling kumpanya, si Kristin Cabot.
Ang Astronomer ay isang kilalang unicorn tech startup na may market value na mahigit $1 billion. Pero sa halip na teknolohiya ang pag-usapan, trending ngayon ang tila bawal na ugnayan ng CEO at HR boss nito.
Ayon sa uploader, hindi niya inakalang aabot sa mahigit 30 million views ang kanyang in-upload na concert video sa TikTok. Sa video, makikitang habang pinatutugtog ang isang love song, napansin ng Coldplay frontman na si Chris Martin ang dalawa.
“Oh look at these two. Either they’re having an affair or they’re very shy,” biro ni Chris Martin, sabay tawa ng buong audience.
Matapos mapansin na sila ang nakatutok sa camera, agad na naghiwalay ng pagkakayakap sina Byron at Cabot. Si Byron ay tila nagtago, habang si Cabot naman ay nagtakip ng mukha at tumalikod.
Sa mga sumunod na usapan sa social media, kinilala ang CEO bilang may-asawang lalaki, kasal kay Megan Kerrigan Byron. Hindi malinaw kung naroroon din ang kanyang misis sa nasabing concert, ngunit malinaw sa video na hindi si Megan ang kayakap niya.
Bagama’t walang opisyal na pahayag si Byron o Cabot, isang pahayag mula sa isang malapit na source kay Byron ang nagsabing:
“Hindi perpekto ang tao, pero sana ay hindi rin tayo basta humusga. Sa ngayon, mas mahalaga ang katahimikan at pagharap sa mga personal na bagay sa pribadong paraan.”
Minsan, ang mga hindi inaasahang sandali ang naglalabas ng katotohanan at ang teknolohiya, na dapat sana’y tungo sa pag-unlad, ay nahahatak rin sa eskandalo dahil sa personal na desisyon ng mga taong nasa likod nito.
Walang komento:
Mag-post ng isang Komento