Matapos ang malawakang pag-viral ng cheating scandal na kinasasangkutan ng Astronomer CEO na si Andy Byron at ng HR head ng kanilang kumpanya na si Kristin Cabot, nagdesisyon ang asawa nitong si Megan Kerrigan Byron na tanggalin ang apelyidong "Byron" sa kanyang social media profile at agad ding burahin ang kanyang Facebook account.
"At this point, I’m no longer asking for respect I’m seeking justice for myself and my children. I chose to remove the surname ‘Byron’ because it no longer represents me. It’s time to choose peace." -Megan Kerrigan
Ang insidente ay nagsimula sa isang concert ng Coldplay sa Gillette Stadium kung saan nakuhanan sa Jumbotron si Andy na kayakap si Kristin sa isang romantikong sandali. Hindi nagtagal ay lumaganap sa social media ang video ng nasabing tagpo at umani ng milyon-milyong views at reaksyon mula sa publiko.
Ayon sa isang post ng malapit na kaibigan ni Megan, hindi niya akalain na hahantong sa ganito ang relasyon nila. Masakit umano ang pagkakanulo lalo na at pamilya na ang naipundar nila.
“Andy didn’t only betray me, he also betrayed our children. Divorce is on the way.”
Ito ang malinaw na pahayag ng kaibigan ni Megan na nagpapakitang seryoso na itong magsampa ng diborsyo laban sa asawa.
Bagamat nanatiling tahimik si Megan mismo sa publiko, ang mga galaw niya sa social media pagtanggal ng apelyido at pagbura ng Facebook ay malinaw na indikasyon ng kanyang matinding sama ng loob at pagpapasya na bumangon mula sa pagkakanulo.
Sa kasalukuyan, nagbitiw na sa kanyang posisyon si Andy Byron bilang CEO ng Astronomer at humihingi ng tawad sa publiko.
Ang kwento ni Megan Kerrigan Byron ay isa na namang paalala na kahit sa harap ng matinding sakit at pagkakanulo, may lakas sa pagpili ng dignidad at kapayapaan.
Ang kanyang tahimik ngunit matapang na aksyon ay inspirasyon sa maraming kababaihan na pinipiling tumayo para sa sarili at sa kanilang mga anak. Sa kabila ng eskandalo, ang kanyang katahimikan ay naging pinakamalakas na pahayag.
Walang komento:
Mag-post ng isang Komento