Isang nakakaantig na pahayag ang inilabas ng kilalang content creator na si Awit Gaming matapos niyang aminin na nabaon siya sa utang dahil sa labis na pagsusugal. Ayon kay Awit, inakala niyang ang sugal ang magiging daan upang umasenso, ngunit ito ang naging dahilan ng kanyang pagkalugmok.
Sa kanyang pahayag, emosyonal na ibinahagi ni Awit Gaming:
“Akala ko noon sugal ang makakaahon sa akin pero mali, sugal pala ang maglulubog sa’ken. Opo wala na ako ngayon, lubog po ako ngayon, lubog po ako sa utang at marami po akong pinagkaka-utangan. At sa mga na-utangan ko naman po, bigyan niyo ako ng mahabang panahon para mabayaran ko po kayo..”
Si Awit Gaming, na nakilala sa larangan ng online streaming, ay aminadong nalulong sa pagsusugal sa paniniwalang kaya nitong doblehin ang kanyang kita. Subalit taliwas sa kanyang inaasahan, lalo lamang siyang nabaon sa mga pagkakautang.
Humingi siya ng paumanhin sa mga taong pinagkaka-utangan at nangakong magsusumikap na makabangon sa buhay. Ibinahagi rin niya ang kanyang karanasan upang magsilbing aral sa iba na ang sugal ay hindi solusyon sa problema sa pera.
Maraming netizens ang nagpahayag ng suporta kay Awit, hinihikayat siyang huwag sumuko at ituloy ang pagbabago. Ayon sa ilang komento, mahalaga ang pag-amin ng pagkakamali at paghingi ng tawad upang makapagsimula muli.
“Pasensya na po sa lahat ng pinagkaka-utangan ko. Hindi ko intensyon na malugmok sa ganitong sitwasyon. Hihingi lang ako ng kaunting panahon para makabayad. Ipagdasal niyo po na makabangon ako sa pagkakamali ko.” -Awit Gaming
Ang kwento ni Awit Gaming ay paalala na ang sugal ay hindi kailanman magiging matatag na solusyon para umasenso. Sa halip, ito ay maaaring magdulot ng matinding problema sa pera at buhay. Gayunpaman, ang kanyang pag-amin at paghingi ng tawad ay unang hakbang patungo sa pagbangon at pagbabago.
Walang komento:
Mag-post ng isang Komento