Sa gitna ng umiinit na isyu sa Kamara, muling lumutang ang pangalan ni Vice President Sara Duterte matapos niyang hilingin ang pagbasura ng impeachment complaint na isinampa laban sa kanya—isang hakbang na kinuwestyon ng kampo ng prosekusyon.
“Kung talagang gusto niyang linisin ang pangalan niya, sasagot siya gamit ang katotohanan,” ani Bucoy.
“Pero ang ginawa, umiwas. Gusto pang ipabasura agad ang reklamo. Ano ang ibig sabihin noon? Walang ebidensya o ayaw ipakita ang amin.”
Ayon kay Atty. Antonio Bucoy, tagapagsalita ng House Prosecution Panel, tila senyales ito na mahina ang depensa ni VP Sara. Sa kanyang panayam sa Saturday News Forum sa Quezon City, sinabi ni Bucoy na kung may matibay na ebidensya si Duterte, dapat niya itong iharap, hindi iwasan.
“Hindi ako natatakot. Hindi ko kailangan ang confidential funds para sabihin ang totoo. Kung may nilabag akong batas, ipakita nila. Pero kung wala, hayaan n’yong malinis ko ang pangalan ko sa tamang proseso,” ani Vice President Sara Duterte sa isang panig na pahayag.
Ang reklamong isinampa laban sa Bise Presidente ay may mabibigat na paratang, kabilang ang:
Culpable violation of the Constitution
Graft and corruption
Bribery
Betrayal of public trust
Paggamit umano ng P612.5 milyon na confidential funds
Sinabi ni Bucoy na kompleto ang ebidensyang inihain ng prosekusyon—mula sa mga dokumento, testimonya, hanggang demonstrative proof. Ngunit sa halip na harapin ito, “nagpapalusot at nagpapabagal” daw ang kampo ni Duterte.
Bagama’t hindi pa detalyado ang tugon ni VP Sara sa mga pahayag ni Bucoy, iginiit niya sa kanyang Answer ad cautelam na walang batayan ang kaso at ito’y politically motivated. Ipinanawagan niya ang agarang pagbabasura ng reklamo, dahilan upang umani siya ng batikos mula sa mga nagsusulong ng transparency.
Sa harap ng mabibigat na paratang, ang hindi pagtugon nang diretso ay lalong nagtataas ng duda sa pananagutan ng isang opisyal. Ayon sa prosekusyon, ang katahimikan ay hindi palaging kababaang-loob—minsan, ito’y paraan ng pag-iwas. At kung talagang walang tinatago, dapat itong patunayan sa korte, hindi sa palusot.
Sa mga susunod na araw, asahan ang mas mainit pang balitaktakan sa pagitan ng Kongreso at ng tanggapan ng Bise Presidente—isang laban na higit sa pulitika, kundi laban para sa katotohanan at tiwala ng bayan.
Walang komento:
Mag-post ng isang Komento