Sa gitna ng mga usap-usapang nag-uugnay sa kanya sa isang isyu ng hiwalayan, matapang na humarap si Ivana Alawi sa isang lie detector test sa kanyang YouTube channel upang linisin ang kanyang pangalan.
“Alam ko ang pakiramdam ng batang lumaki sa broken family. Kaya hinding-hindi ko gagawin ’yan. Pinalaki ako ni Mama na may respeto sa sarili at sa pamilya ng iba.” -Ivana Alawi
Sa naturang vlog segment, diretsahang tinanong si Ivana:
“Ikaw ba ang nanira ng pamilya?”
Walang alinlangan ang sagot ng aktres:
“No! Hindi ako pinalaking manira ng pamilya. I respect family kasi kami nga, broken family. Ano ’to, tapos ako maninira ng family? Sira ulo ka pala e!”
Ayon sa polygraph test, truthful ang kanyang sagot—na agad namang umani ng suporta mula sa kanyang followers at ilang netizens na naniniwalang si Ivana ay inosente sa isyu.
Bagama’t walang pinangalanan si Ivana, ang tanong ay tila tumutukoy sa kumakalat na balita kaugnay sa dating Bacolod City Mayor at ngayo’y Negros Occidental Representative Albee Benitez. Ang kanyang asawa, si Nikki Benitez, ay nagsampa ng kasong VAWC (Violence Against Women and Children) laban sa mambabatas, at isinalang ang alegasyon ng pagkakaroon ng relasyon sa ilang babaeng artista kasama umano si Ivana.
Bagama’t tahimik ang kampo ni Ivana sa mga detalye ng nasabing usapin, sa vlog ay nagbigay siya ng tahasang pahayag:
Ang kanyang mga tagahanga ay nagpahayag ng suporta, at marami ang nagsabing hindi na bago para sa isang sikat na babae na madawit sa mga ganitong uri ng isyu sa kabila ng kawalan ng ebidensya.
Sa kabila ng matitinding paratang at espekulasyon, napanindigan ni Ivana Alawi ang kanyang katotohanan sa harap ng kamera at ng kanyang milyon-milyong tagasuporta. Ang kanyang pagtindig ay paalala sa publiko na hindi lahat ng nadadamay sa isyu ay awtomatikong may kasalanan.
“Wala akong sinirang pamilya. Kung may hindi totoo, ’yun ang mga paratang nila hindi ang pagkatao ko,” ani Ivana.
Ang kanyang tapang at pagharap sa mga kontrobersiya ay patunay na sa likod ng kamera, may totoong tao ring nasasaktan, ngunit lumalaban para sa dignidad.
Walang komento:
Mag-post ng isang Komento