Maraming nagtaka kung bakit tanging si Senador Lito Lapid lamang ang dumalo sa pa-thanksgiving party ng Alyansa Para sa Bagong Pilipinas, isang pagtitipong pinangunahan ni Pangulong Ferdinand “Bongbong” Marcos Jr. ilang oras matapos ang proklamasyon ng mga nanalong senador sa 2025 midterm elections.
Sa kabila ng anim na kandidatong pinalad sa ilalim ng Alyansa slate, wala ni isa sa kanila maliban kay Lapid ang sumipot sa selebrasyon na ginanap sa headquarters sa Mandaluyong City nitong Sabado.
Hindi nakita sa okasyon ang mga bagong halal na senador mula sa administration lineup na sina:
Erwin Tulfo
Ping Lacson
Tito Sotto
Pia Cayetano
Camille Villar
Sa halip, nag-iisang nagpakita ng suporta si Lito Lapid, na nagtapos sa ika-11 pwesto. Bitbit niya ang kanyang taos-pusong pasasalamat:
“Maraming, maraming salamat sa inyong tulong. Mabuhay kayong lahat,” ani Lapid sa kanyang maikling talumpati.
Dumalo rin sa nasabing pagtitipon si Pangulong Marcos kasama ang campaign manager ng Alyansa na si Navotas Rep. Toby Tiangco. Sa kanyang pahayag, nanawagan si Marcos ng pagkakaisa at pagtutok sa kapakanan ng bayan.
“Sana mas maganda ang naging resulta, pero babawi tayo sa susunod. Panahon na para isantabi ang politika,” saad ng Pangulo.
Bagama’t anim ang nanalo mula sa Alyansa, tila nagbigay ng malamig na tugon ang ilan sa kanila sa paanyayang ito, na ngayon ay kinukuwestyon ng publiko kung may internal na hidwaan, isyu sa loyalty, o sadyang abala lang ang ilan sa kanila.
Ang pagiging nag-iisa ni Senador Lito Lapid sa thanksgiving party ng Alyansa ay nag-iiwan ng tanong sa publiko: Bakit absent ang iba? Ito ba ay senyales ng kakulangan ng pagkakaisa sa loob ng administrasyon, o sadyang walang interes ang ilan na iugnay ang sarili sa Alyansa pagkatapos ng halalan?
Anuman ang dahilan, ang panawagan ng Pangulo ay malinaw:
“Panahon na para isantabi ang politika. Magkaisa tayo para sa bayan.” — Pangulong Ferdinand Marcos Jr.
Walang komento:
Mag-post ng isang Komento