Hindi napigilan ng Mamamayang Liberal (ML) party-list Rep. Leila de Lima ang kanyang paghanga kay Sen. Risa Hontiveros matapos ang mga tagumpay nito bilang mambabatas. Sa isang post, inilarawan ni De Lima si Hontiveros bilang isang babaeng walang takot lumaban, kahit pa malalakas ang hangin ng pulitika.
“Hindi ka lang basta senador, ikaw ang paalala na may lider pa ring hindi natitinag. Sana dumami pa kayo, para hindi mukhang exception ang pagiging tapat sa Kongreso.” -Rep. Leila de Lima
Para kay De Lima, bihira ang lider na nananatiling matatag kapag mabigat ang presyon at si Hontiveros ang isa sa mga bihirang iyon.
Sa kanyang mensahe, binigyang-diin ni De Lima na hindi lang basta senador si Hontiveros, kundi boses ng katotohanan, tapang, at hustisya. Aniya, sa loob ng maraming taon, si Hontiveros ay nasa unahan ng laban, hindi umatras kahit mahirap at delikado ang mga isyung hinaharap.
Dagdag pa niya, si Hontiveros ay hindi nagpatinag, walang kinilingan, at laging nasa panig ng batas, isang pamantayang dapat tularan sa serbisyo publiko.
Ang pagpupugay ni Rep. Leila de Lima kay Sen. Risa Hontiveros ay higit pa sa personal na paghanga, ito ay paalala sa uri ng pamumunong kailangan ng bansa.
Walang komento:
Mag-post ng isang Komento