Binalewala ni VP Sara Duterte ang pangamba na maaaring maaresto si Ronald "Bato" dela Rosa sa pamamagitan ng warrant ng International Criminal Court (ICC). Para kay Duterte, may mas malulubhang kapalaran sa buhay kaysa makulong lalo na kung buhay at walang sakit ang isang tao.
“Worst-case daw ang makulong? Para sa akin, mas masahol ang magkasakit at mamatay. Kung buhay ka at okay ka kulungan man o hindi may bukas pa. Hindi dapat gawing katapusan ng mundo ang detensyon.” -VP Sara Duterte
Ito ang naging reaksyon ng Bise Presidente sa pahayag ni Panfilo "Ping" Lacson, na nagsabing ang “worst-case scenario” para kay Dela Rosa ay ang madetine sa The Hague habang siya ay nakaupong senador.
Ayon kay VP Sara, ang tunay na pinakamasahol ay magkasakit at mamatay. Kung buhay ka at maayos ang kalusugan kahit nasa loob o labas ng kulungan may pag-asa pa. Sa ganitong lente, ang detensyon ay hindi wakas ng lahat, kundi isang sitwasyong maaari pang lampasan.
Sa pagtingin ni VP Sara Duterte, ang sukatan ng “pinakamasahol” ay hindi ang lugar ng detensyon kundi ang kalagayan ng buhay at kalusugan.
Walang komento:
Mag-post ng isang Komento