Nanawagan si Pangulong Ferdinand Marcos Jr. sa mga Pilipino na huwag mapagod na mahalin, piliin, at ipaglaban ang Pilipinas sa kanyang talumpati para sa ika-128 Anibersaryo ng Proklamasyon ng Kalayaan ng Pilipinas at Parada ng Kalayaan 2026 ngayong Biyernes, Hunyo 12.
Aniya, “Sa bawat Pilipino, ito ang aking panawagan: huwag po tayong mapagod na mahalin, piliin, at ipaglaban ang Pilipinas.”
Sa kanyang mensahe, hindi lang basta paggunita sa kasaysayan ang laman ng talumpati. Binigyang-diin ng Pangulo na ang kalayaan ay hindi lamang simbolo, bandera, parada, o seremonya. Ito ay araw-araw na responsibilidad ng bawat Pilipino.
Ang mensahe ni Pangulong Marcos sa Araw ng Kalayaan ay malinaw: ang pagmamahal sa bayan ay hindi dapat napapagod, hindi dapat napapalitan ng pansariling interes, at hindi dapat nauuwi sa salita lamang.
Walang komento:
Mag-post ng isang Komento