Hindi na itinago ni Fr. Flaviano “Flavie” Villanueva ang matindi at umaapaw na galit na hanggang ngayon ay dala-dala niya dahil sa drug war ni dating Pangulong Rodrigo Duterte. Ayon kay Fr. Villanueva, ang ilang taong kampanya kontra droga ay nag-iwan ng libo-libong patay, wasak na pamilya, at takot sa mga komunidad na hanggang ngayon ay hindi pa rin nakakabangon.
“Hanggang ngayon, umaapaw ang galit ko sa ginawa ng drug war. Libo-libong buhay ang nawala. Sa pananampalataya ko, wala nang lugar sa langit ang gumawa ng ganitong karahasan.” - Fr. Flaviano “Flavie” Villanueva
Sa isang matapang at diretsahang pahayag, binigyang-diin ng pari na ang pagpatay sa libo-libong Pilipino karamihan ay mahihirap ay hindi maituturing na “law and order,” kundi isang paglabag sa dignidad at buhay na hindi kailanman papayagan ng Diyos.
Iginiit niya na ang mga inosenteng namatay, ina na naulila, at batang nawalan ng magulang ay patunay kung gaano kalalim ang sugat na iniwan ng drug war. Binigyang-linaw ng pari na ang galit niyang ito ay hindi paghihiganti, kundi panawagan na ituwid ang mali at hindi kalimutan ang mga biktima.
Sa kabila ng paglipas ng mga taon, hindi matitinag ang paninindigan ni Fr. Villanueva na ang pagpatay sa mahihirap sa ngalan ng drug war ay krimen laban sa buhay at dignidad ng tao.
Walang komento:
Mag-post ng isang Komento