Mariing pinasinungalingan ni Sen. Erwin Tulfo ang mga kumakalat na alegasyon na siya umano ay binayaran o ginamit ng administrasyon para madaliin ang pag-usad ng bagong impeachment complaint laban sa Pangalawang Pangulo.
“Hindi po ako binayaran ng administrasyon. Wala pong pera o pabor na kapalit ng ginagawa ko. Ang impeachment move ay kagustuhan ng taumbayan, hindi ko ito personal na laban, kundi tungkulin ko bilang senador na pakinggan at kumilos para sa boses ng bayan.” -Sen. Erwin Tulfo
Sa harap ng mga reporter, diretsahan at walang pag-aalinlangan niyang tinanggihan ang akusasyon, sabay giit na wala siyang tinatanggap na kahit anong pera o pabor mula kaninuman. Aniya, ang kanyang kilos ay hindi utos ng Malacañang, kundi tugon sa lumalakas na panawagan ng taumbayan na ipatalsik sa posisyon ang kasalukuyang Vice President.
Ayon kay Tulfo, hindi dapat gawing isyu na siya ang nagtataguyod ng impeachment move dahil ito raw ay hindi personal na agenda, kundi kalooban ng mga ordinaryong Pilipino na nagsasawa, nadidismaya at nawawalan ng tiwala sa liderato ng VP.
Pinunto ni Tulfo na ang impeachment ay hindi simpleng personal na laban; ito ay constitutional process na nakabatay sa public trust.
Sa matapang at diretsahang pahayag ni Sen. Erwin Tulfo, itinanggi niya ang anumang pondo o pabor mula sa administrasyon at itinulak ang katotohanan na ang bagong impeachment complaint laban sa VP ay hinihingi mismo ng taumbayan.
Walang komento:
Mag-post ng isang Komento