Ipinahayag nang buong kumpiyansa ni DPWH Secretary Vince Dizon na nagsisimula nang matupad ang pangako ni Pangulong Ferdinand “Bongbong” Marcos Jr. na marami pang indibidwal na sangkot sa flood control scandal ang makukulong bago mag-Pasko.
Sa kanyang mensahe, proud na ibinahagi ni Dizon na malinaw na ang direksyon ng administrasyon: linisin ang gobyerno, tapusin ang anomalya, at papanagutin ang mga dapat managot.
“Ngayon, nakikita na natin na dahan-dahan natutupad na ‘yung pangako ng Pangulo natin, na bago mag pasko, maraming makukulong. Maraming magpapasko sa kulungan. Isa na dyan si Sarah Discaya.” -DPWH Secretary Vince Dizon
Ang pagbanggit ni Dizon kay Discaya ay malinaw na patunay na ang laban kontra katiwalian ay hindi na lamang salita kundi aktuwal na pagkilos. Ayon sa kanya, ang pagharap sa kaso ay nagpapakita ng pagrespeto sa batas at nag-aalis ng pasanin sa mga awtoridad na sana ay magsasagawa pa ng malawakang paghahanap para maaresto siya.
Para kay Dizon, ang pagsuko ni Discaya ay hudyat na hindi na kayang takbuhan ang pananagutan, dahil ang buong gobyerno ay kumikilos bilang iisang pwersa. Ang malakas at diretsong pahayag ni DPWH Secretary Vince Dizon ay nagbibigay ng malinaw na indikasyon na ang flood control scandal ay haharapin nang walang kinikilingan.
Walang komento:
Mag-post ng isang Komento