Naglabas ng diretsahan at walang paligoy-ligoy na pahayag si Pangulong Marcos sa gitna ng mga alegasyong may impluwensiya umano siya sa ICI (Independent Commission of Inquiry).
Ayon sa Pangulo, wala siyang iniiwasan at handa siyang humarap sa anumang tanong, pagdinig, o imbestigasyon na ibabato ng ICI.
"Kung kinakailangang imbestigahan ako ng ICI, handa ako. Hindi ko sila kinokontrol, at hindi sila instrumento ng gobyerno. Independent body sila, at iginagalang ko ang proseso." - Pangulong Ferdinand Marcos Jr.
Giit niya, kung may gustong alamin ang komisyon, bukas ang kanyang administrasyon at wala siyang dahilan para tumanggi.Tahasang itinanggi ng Pangulo ang mga paratang na may hawak siyang impluwensiya sa ICI o may opisyal ng gobyerno na kumikilos sa likod nito.
Ayon sa kanya, malinaw na mali ang mga akusasyon at walang basehan ang mga nagkakalat nito. Dagdag niya, ang mga nagsasabing hawak niya ang komisyon ay gumagawa lamang ng haka-haka upang magpasiklab ng intriga at pagdududa sa proseso.
Sa kabila ng mga paratang at usap-usapan, tumindig si Pangulong Marcos nang may lakas ng loob: handa siyang humarap sa imbestigasyon at hindi siya natitinag sa mga akusasyon.
Ang kanyang posisyon ay malinaw ang ICI ay independent, walang kontrol ang Malacañang dito, at dapat hayaan ang komisyon na magtrabaho nang walang panghihimasok mula sa sinuman.
Walang komento:
Mag-post ng isang Komento