Binigyang-diin ni Presidential Communications Office (PCO) Undersecretary Claire Castro na malinaw ang direktiba ni Pangulong Ferdinand “Bongbong” Marcos Jr. pagdating sa mga kasong isinasampa sa ilalim ng kanyang administrasyon: huwag apurahin ang proseso, at dapat laging nakabase sa matibay at sapat na ebidensya.
“Ang hiling ng Pangulo ay simple: huwag tayong magsampa ng kaso kung kulang ang ebidensya. Ayaw niyang may inosenteng madamay dahil lang sa mabilis na proseso. Sa administrasyong ito, hustisya muna bago politika.” -Claire Castro
Ayon kay Castro, hindi nais ng Pangulo na may makasuhan o madawit na inosente dahil lamang sa minadaling imbestigasyon, kulang na datos, o presyur ng pulitika. Giit niya, ang hustisyang walang sapat na basehan ay hindi hustisya at hindi ito papayagan ng Pangulo.
Sa kanyang pahayag, diretsahan niyang sinabi na malayo ang estilo ng kasalukuyang administrasyon kumpara sa nakaraan.
Habang may mga kumakalat na tsismis at spekulasyon, tinitiyak naman ng Pangulo na ang bawat legal na hakbang ay dumadaan sa tamang proseso, masusing pagsusuri, at malinaw na dokumentasyon.
Sa statement ni PCO Undersecretary Claire Castro, malinaw na ipinapakita ng administrasyong Marcos ang kanyang prinsipyo pagdating sa hustisya na walang minamadali, walang pinipilit, at walang inosenteng dapat madamay.
Walang komento:
Mag-post ng isang Komento