Naglabas ng matapang at diretsahang pangako si Pangulong Ferdinand Marcos Jr. sa gitna ng kontrobersiyang bumabalot sa flood control scandal at umano’y ghost projects na nagpagulo sa tiwala ng publiko. Sa kanyang mensahe, tiniyak ng Pangulo na hinding-hindi na muling mangyayari ang ganitong uri ng katiwalian sa ilalim ng kanyang administrasyon.
“Hindi na muli mangyayari ang flood control scandal. Tinitingnan namin isa-isa ang 2026 budget, at kahit Pasko, magtatrabaho kami para masigurong bawat proyekto ay totoo at kapaki-pakinabang. Hindi ko hahayaang maulit ang ganitong klase ng anomalya sa ilalim ko.” - Pangulong Ferdinand Marcos Jr.
Ayon kay Pangulong Marcos, siya at ang kanyang gabinete ay nakatutok ngayon nang husto sa pagsusuri at pagwawasto ng 2026 National Budget upang matiyak na bawat pisong ilalabas ng gobyerno ay may malinaw, aktwal, at kapaki-pakinabang na proyekto para sa mamamayan.
Hindi rin nagdalawang-isip ang Pangulo na ipahayag na sinasantabi muna nila ang Christmas break, dahil higit na mahalaga umanong ibalik ang tiwala ng sambayanan. Para kay Pangulong Marcos, ang pinakamahalagang regalo sa publiko ngayong Pasko ay tapat at maayos na pamamahala.
Sa pagdinig at validation ng flood control at infrastructure projects, idiniin ng Pangulo na mahigpit nilang sinusuri ang bawat line item upang matiyak na walang anomalya, padding, o proyekto na hindi naman totoo o naipapatupad.
Ang pangako ni Pangulong Marcos ay malinaw na tapusin ang katiwalian at ibalik ang tiwala ng taumbayan sa pamamagitan ng masusing pag-aaral ng budget at mahigpit na pag-monitor sa mga proyekto.
Walang komento:
Mag-post ng isang Komento