Nagbigay ng seryosong paalala si DILG Secretary Jonvic Remulla sa publiko kaugnay ng lumalalang pagkalat ng samu’t saring paratang laban kay Pangulong Ferdinand Marcos Jr. na walang sapat na batayan. Ayon sa kalihim, ang mga akusasyon na walang pruweba ay hindi lamang nakasisira sa reputasyon ng isang tao maaari rin itong magresulta sa kasong kriminal.
“Pwede ko kayong ipakulong sa mga paratang na walang basehan at walang ebidensya laban sa Pangulo. May hangganan ang freedom of expression, lalo na kung nakakasira na sa kapwa at sa bansa.” - DILG Sec. Jonvic Remulla
Giit ni Remulla, kahit may kalayaan ang bawat Pilipino na magpahayag ng opinyon, hindi ito nangangahulugan na pwede nang mag-akusa nang walang ebidensya. Kapag ang isang tao ay nagpakalat ng maling impormasyon, lalo na sa social media, maaari itong pumasok sa:
Ayon sa kalihim, hindi porke’t trending o nakikita online, ay totoo na. At kapag ang paratang ay tumutukoy sa Pangulo nang walang malinaw na basehan, pinag-iisipan na ito ng gobyerno para panagutin ang mga nasa likod nito.
Ang mensahe ni DILG Sec. Remulla ay malinaw at direkta: responsibilidad ng bawat Pilipino na maging maingat sa paglalabas ng akusasyon, lalo na sa social media. Sa panahon kung saan mabilis kumalat ang maling impormasyon, mas kailangan ang disiplina at pag-iingat.
Walang komento:
Mag-post ng isang Komento