Matapos ang paglabas ng pahayag ng vlogger na si Ferdinan Dela Merced, mas kilala bilang Philippine Looper, na tila binabalewala umano siya ng mga opisyal ng LGU sa Negros, agad namang nagbigay ng paliwanag ang lokal na pamahalaan.
Ayon sa LGU, walang masamang intensyon sa hindi agarang pagtugon kay Dela Merced, abala lamang daw talaga sila sa paghahanda sa paparating na bagyo na nagbunsod ng critical operations period sa kanilang tanggapan.
Sa inilabas na opisyal na pahayag, ipinaliwanag ng Public Information Office ng LGU Negros na sa araw ng pagbisita ni Dela Merced, naka-red alert status na ang kanilang Disaster Risk Reduction and Management Office (DRRMO). Ibig sabihin, lahat ng personnel ay nakatalaga sa mga emergency sites, nakatutok sa monitoring ng tubig-baha at pre-evacuation operations.
“Walang intensyon na bastusin o balewalain si Mr. Dela Merced. Sa oras na iyon, nasa critical time kami ng paghahanda.
Ang prioridad namin noon ay masiguro ang kaligtasan ng mga residente bago tumama ang bagyo.” - LGU Negros
Ayon pa sa opisyal, kinikilala nila ang layunin ni Dela Merced bilang content creator na nagpo-promote ng disaster awareness at community service, ngunit umaasa silang maiintindihan ng publiko ang bigat ng kanilang sitwasyon noong araw na iyon.
Nahati ang opinyon ng publiko sa isyung ito. Marami ang pumabor sa paliwanag ng LGU, na kailangang unahin ang disaster readiness kaysa pag-entertain ng bisita. Ngunit may ilan ding sumang-ayon kay Dela Merced, na nagsabing dapat pa rin ay may basic courtesy o pakikipagkomunikasyon man lang.
Ang LGU ng Negros ay nasa gitna ng critical operations upang maprotektahan ang libo-libong residente, habang si Ferdinan Dela Merced ay dumating na may mabuting layuning makatulong at magbigay-kaalaman.
Walang komento:
Mag-post ng isang Komento