Sa isang video message, inihayag ni Pangulong Ferdinand “Bongbong” Marcos Jr. na maaaring makasuhan ng plunder at indirect bribery si dating Speaker Martin Romualdez, matapos makuha ng Independent Commission for Infrastructure (ICI) at Department of Public Works and Highways (DPWH) ang mga ebidensiyang nag-uugnay sa kanya sa mga anomalya sa mga flood control projects.
Ayon sa Pangulo, ang lahat ng mga natuklasang dokumento at impormasyon ay ipinasa na sa Office of the Ombudsman upang masusing imbestigahan.
“Nais kong ipaalam sa ating mga kababayan na ang ICI at DPWH, lahat ng nakuha nilang impormasyon ay ibibigay sa Ombudsman para imbestigahan. Ito ay tungkol sa mga impormasyon ng dating Speaker Martin Romualdez.” -Pangulong Ferdinand Marcos Jr.
Ayon sa ulat ng Independent Commission for Infrastructure, may mga natuklasan silang hindi maipaliwanag na paggalaw ng pondo sa ilalim ng ilang flood control projects sa rehiyon ng Luzon at Visayas. Ipinahayag ng ICI na may indikasyon ng kickback system at double funding, na posibleng nagresulta sa bilyon-bilyong pisong pagkalugi sa kaban ng bayan.
Sinabi ni Marcos na ipinag-utos niya mismo ang transparency sa lahat ng imbestigasyon, kahit sino pa ang masangkot. Sa harap ng mga alegasyon ng korapsyon sa flood control projects, malinaw ang mensahe ni Pangulong Ferdinand Marcos Jr.: walang itinatangi sa pagpapatupad ng batas.
Sa hakbang niyang ipasa sa Ombudsman ang kaso ni Martin Romualdez, ipinapakita ng Pangulo na hindi maaaring gamiting panangga ang koneksyon o kapangyarihan pagdating sa pananagutan.
Walang komento:
Mag-post ng isang Komento