Naglabas ng matinding akusasyon si Presidential Adviser for Poverty Alleviation Larry Gadon laban sa dating administrasyong Duterte, kaugnay ng umano’y malawakang korapsyon sa flood control projects na ipinatupad noong kanilang termino. Ayon kay Gadon, kung hindi umano sa kasalukuyang pamunuan ni Pangulong Ferdinand “Bongbong” Marcos Jr., hindi malalantad ang mga iregularidad na naganap sa ilalim ng dating gobyerno.
“Sobra-sobrang korapsyon ang ginawa ni Duterte. Diyan pa lang sa flood control projects kung hindi pa dahil kay BBM, hindi ‘yan mabubunyag.” - Larry Gadon
Ipinahayag ni Gadon na mga bilyong pisong pondo ang nailaan sa mga proyektong flood control, ngunit karamihan umano rito ay ghost projects o hindi natapos. Aniya, may mga ulat ng overpricing, duplicate allocations, at proyekto na wala namang aktwal na konstruksyon, subalit nailabas ang pondo.
Ayon pa kay Gadon, ang direktiba ni Pangulong Marcos Jr. na imbestigahan ang mga flood control projects ang naging susi para mailantad ang mga sangkot na opisyal sa dating administrasyon. Tinawag niya si PBBM na isang “game changer” pagdating sa transparency at good governance.
Para kay Atty. Larry Gadon, ang pagkilos ni Pangulong Marcos upang ipaimbestiga ang mga anomalya sa flood control projects ay patunay ng tapang at tapat na pamumuno. Sa kabila ng batikos, nanindigan siya na ang laban sa korapsyon ay dapat ituloy kahit sino pa ang masangkot kahit dating Pangulo pa.
Walang komento:
Mag-post ng isang Komento