Isang makabuluhang paalala ang ibinahagi ng pambansang kamao na si Manny Pacquiao tungkol sa kahalagahan ng pananampalataya kaysa sa mga materyal na bagay sa mundo.
Ayon kay Manny, sa dami ng kanyang pinagdaanan mula sa kahirapan, tagumpay sa boxing, hanggang sa pagsabak sa politika natutunan niyang ang pera at kayamanan ay panandalian lamang. Ngunit ang tiwala at pananampalataya sa Diyos ay siyang tunay na yaman na hindi mananakaw at madadala hanggang sa kabilang buhay.
“Ang mga bagay at pera sa mundo ay hindi mo madadala sa pagwala ka na sa mundo, ngunit yung tiwala at faith mo sa Panginoon, madadala mo pa rin yan sa kabilang mundo,” pahayag ni Manny Pacquiao.
Dagdag pa ng dating senador, maraming tao ngayon ang masyadong nakatuon sa pagpapayaman at pagkamit ng materyal na bagay bahay, sasakyan, o luho ngunit nakakalimutan ang pinakamahalagang aspeto ng buhay: ang kaluluwa at pananampalataya.
Sa mga panayam, ibinahagi rin ni Pacquiao na ang tunay na kapayapaan ay hindi matatagpuan sa dami ng pera kundi sa malinis na puso at matibay na relasyon sa Diyos.
“Kahit gaano karami ang pera mo, kung wala kang kapayapaan sa puso, parang wala rin. Pero kahit mahirap ka, basta’t meron kang tiwala sa Diyos, mas mayaman ka pa sa iba,” dagdag ni Manny.
Ang mensaheng ito ay labis na umantig sa damdamin ng mga netizens, lalo na sa panahon ngayon kung saan tila nasusukat na ang halaga ng tao sa kanyang kayamanan at katayuan sa lipunan.
Ipinapaalala ni Pacquiao na ang buhay sa mundo ay pansamantala, at dapat nating gamitin ang ating oras para gumawa ng kabutihan at maglingkod sa kapwa, dahil iyon ang tunay na pamantayan ng yaman sa mata ng Diyos. Ang mensahe ni Manny Pacquiao ay isang paalala na ang tunay na yaman ay hindi nakikita sa dami ng pera, kundi sa kabutihan ng puso at lalim ng pananampalataya.
Walang komento:
Mag-post ng isang Komento