Sa panahon ngayon kung saan abala ang karamihan sa sariling buhay, karera, at pamilya, nagbigay ng makahulugang paalala ang batikang komedyante at TV host na si Joey de Leon tungkol sa pagtanaw ng utang na loob sa mga magulang.
Ayon kay Joey, hindi man obligasyon ng mga anak na suportahan ang kanilang mga magulang, ngunit tungkulin pa rin ng bawat isa na magpasalamat at magbigay-galang sa mga taong nagpalaki at nag-aruga sa kanila mula pagkasanggol.
“Hindi naman natin obligasyon ang mga magulang natin, pero dapat marunong tayong magtanaw ng utang na loob. Dahil sila ‘yung nag-aruga, nagpakain, at gumabay sa atin noong wala pa tayong alam sa mundo,” ani Joey sa isang panayam.
Dagdag pa niya, ang pagmamahal at pag-aalaga ng magulang ay hindi kayang tumbasan ng anumang materyal na bagay. Kaya nararapat lamang na iparamdam ng mga anak ang pasasalamat habang sila ay nabubuhay.
“Hindi kailangan ng malaking regalo o pera,” sabi ni Joey. “Minsan sapat na ‘yung simpleng pagbisita, ‘yung pagtawag sa kanila, o simpleng salamat malaking bagay na ‘yon para sa isang magulang.”
Maraming netizens ang pumuri sa pahayag ni Joey, dahil ito raw ay isang magandang paalala lalo na sa mga kabataan ngayon na madalas nakakalimot sa sakripisyo ng kanilang mga magulang.
“Hindi ko sinasabing obligasyon ninyo ang magulang ninyo, pero isipin ninyo sila ang unang nagmahal sa inyo, kahit wala pa kayong naibabalik. Ang simpleng ‘salamat’ o pag-alala sa kanila ay higit pa sa anumang regalo.” - Joey de Leon
Ang mensahe ni Joey de Leon ay isang paalala ng realidad ng buhay na habang tumatanda tayo, minsan nakakalimutan nating balikan ang mga taong unang nagmahal sa atin.
Walang komento:
Mag-post ng isang Komento