Patuloy na nananatili sa ibang bansa si dating Kinatawan Zaldy Co dahil umano sa mga banta sa kanyang buhay. Ayon sa kanyang legal counsel na si Atty. Ruy Rondain, labis na gustong bumalik ng dating kongresista sa Pilipinas, ngunit pinipigilan siya ng takot sa mga seryosong death threat na kanyang natatanggap.
“Gusto kong umuwi, pero hindi ko pwedeng isugal ang buhay ko. Hindi ako tumatakbo sa katotohanan, gusto ko lang makasiguro na ligtas akong makakaharap muli ang mga kababayan ko sa tamang panahon.” Zaldy Co
Sa isang press briefing nitong Miyerkules, inihayag ni Rondain na handa sanang humarap si Co upang sagutin ang mga tanong ng publiko at media, ngunit nagdesisyon itong huwag muna umuwi dahil sa mga “credible and serious threats” laban sa kanya.
“Representative Co would have wanted to be here himself so he can answer your questions. Unfortunately, there are credible and serious threats to his life na he’s really afraid to come out at this time,” pahayag ni Rondain.
Dagdag pa ni Rondain, hindi niya alam at hindi na rin niya tinanong kung saan kasalukuyang naninirahan ang kanyang kliyente sa ngayon, bilang paggalang sa kanyang seguridad. Ibinahagi rin niya ang kanyang pangamba sa posibilidad ng vigilante violence, lalo na’t marami umano ang galit at may maling akala laban kay Co.
“Ako, personally, ang bigger fear ko is vigilante violence. Because nga everyone hates him… Personally, I’m deathly afraid of vigilante violence. Someone who thinks he’s a moral guardian of the Filipino people will just take a paltik and shoot him anywhere,” dagdag ni Rondain.
Samantala, nananatiling tahimik si Zaldy Co sa kabila ng mga usapin na ibinabato laban sa kanya. Ayon sa kanyang kampo, mas pinipili muna nitong manahimik at unahin ang kanyang kaligtasan bago muling humarap sa publiko.
Ang sitwasyon ni Zaldy Co ay muling nagbukas ng usapan tungkol sa kaligtasan ng mga pampublikong opisyal at personalidad na nasasangkot sa kontrobersya. Habang may karapatan ang bawat isa na humingi ng paliwanag, may karapatan din ang sinuman na protektahan ang sariling buhay laban sa banta.
Walang komento:
Mag-post ng isang Komento