Sa panahon ngayon ng social media, kung saan bawat isa ay may platapormang maipahayag ang kanilang saloobin, nagbigay ng makahulugang paalala ang aktres na si Angelica Panganiban tungkol sa responsableng paggamit ng “freedom of speech.”
Ayon kay Angelica, nakakalungkot isipin na maraming Pilipino ang ginagamit ang kalayaang ito para mangbastos, manlait, o manira ng kapwa, sa halip na gamitin ito para magpahayag ng makatotohanang opinyon na may respeto.
“Di porket binigyan tayo ng freedom of speech ay meron tayong freedom para maging bastos,” ani Angelica Panganiban.
Sa kanyang pahayag, binigyang-diin ni Angelica na ang tunay na kalayaan ay may kasamang responsibilidad. Hindi raw dapat gamitin ang social media bilang sandata para saktan ang iba.
Dagdag pa niya, maraming tao ngayon ang mabilis magkomento o manghusga nang hindi naiisip kung gaano kalalim ang epekto ng kanilang mga salita sa iba.
“Minsan kasi, nakakalimutan ng tao na may mga damdamin ‘yung pinapatamaan nila online. Bago ka mag-post o mag-comment, isipin mo muna kung makakatulong ba ‘yung sasabihin mo o makakasakit lang,” dagdag ng aktres.
Hindi rin pinalampas ni Angelica ang mga netizens na ginagamit ang social media para manghamak ng kapwa artista o ordinaryong tao, sa ngalan ng “opinion.”
Ang paalala ni Angelica Panganiban ay isang makabagbag-damdaming mensahe sa mga Pilipino, ang kalayaan ay may kasamang pananagutan. Tunay na malaya tayong magsalita, pero kailangang isipin natin ang kabutihan at epekto ng bawat salita.
Walang komento:
Mag-post ng isang Komento