Ipinakita ng Negros Occidental 3rd District Representative Javi Benitez ang kanyang malinaw na suporta sa SOGIESC Equality Bill, isang panukalang batas na layuning itaguyod ang pantay na karapatan para sa lahat ng Pilipino anumang kasarian, sekswalidad, o oryentasyon.
Sa isang pahayag na mabilis na nag-viral, sinabi ni Benitez:
“On the SOGIESC bill that we filed… I have this to say: I’m straight but not narrow.”
"Hindi mo kailangang maging bahagi ng isang komunidad para maintindihan ang laban nila. Ang SOGIESC Bill ay hindi lang tungkol sa kasarian, ito ay tungkol sa karapatan ng bawat tao na mamuhay nang walang takot at diskriminasyon. Straight ako, oo pero hindi makitid. Ang respeto at dignidad ay para sa lahat" dagdag nito
Ang maikli ngunit makapangyarihang linya ni Javi ay nagdulot ng papuri mula sa mga netizens, LGBTQ+ advocates, at kapwa mambabatas. Para sa marami, ang kanyang pahayag ay simbolo ng modernong pag-iisip at empatiya, lalo na sa panahon kung saan patuloy ang debate tungkol sa SOGIESC Equality Bill (Sexual Orientation, Gender Identity and Expression, and Sex Characteristics).
Ang nasabing panukala ay matagal nang isinusulong sa Kongreso, ngunit ilang beses nang naantala dahil sa mga pagtutol at maling akala tungkol dito. Nilalayon ng SOGIESC Bill na protektahan laban sa diskriminasyon ang mga indibidwal base sa kanilang kasarian o pagkakakilanlan tulad ng hindi pagtanggap sa trabaho, serbisyo, o edukasyon dahil lamang sa kanilang sexual orientation o gender expression.
Sa maikling linya na “I’m straight but not narrow,” naiparating ni Rep. Javi Benitez ang isang makabuluhang mensahe, ang tunay na lider ay hindi natatakot tumindig para sa karapatan ng iba, kahit hindi siya direktang apektado.
Ang kanyang pagsuporta sa SOGIESC Equality Bill ay patunay ng pagbabago sa pananaw ng mga bagong henerasyon ng politiko, na mas nakatuon sa inclusivity, respeto, at pagkakapantay-pantay. Sa panahon ng pagkakahati at paghusga, kailangan ng mas maraming katulad ni Javi Benitez, mga lider na marunong makinig, umunawa, at kumilos para sa kapwa.
Walang komento:
Mag-post ng isang Komento