Isa na namang patunay ng katatagan at kababaang-loob ang ipinakita ng aktor na si Sam Milby matapos niyang ibahagi sa publiko ang kanyang kalagayang pangkalusugan.
Ayon kay Sam, una siyang inakalang may Type 2 diabetes, ngunit matapos ang mas malalim na pagsusuri sa Singapore, kinumpirma ng mga doktor na ang kanyang kondisyon ay Type 1.5, isang uri ng diabetes na may parehong katangian ng Type 1 at Type 2, ngunit mas unti-unting umaapekto sa kakayahan ng katawan na gumawa ng insulin.
“It’s bad. Type 1 is the worst. Tito Gary Valenciano has Type 1. It means your pancreas does not produce insulin at all. So I may have to start insulin shots eventually. Ganun talaga.”
Bagaman aminado si Sam na nalungkot siya sa diagnosis, pinili pa rin niyang maging positibo at matatag. Sa halip na mawalan ng pag-asa, tinanggap niya ito bilang bahagi ng kanyang buhay.
“Nakaka-sad, but it’s a part of my life. I have discipline naman sa pagkain, but it was a bit surprising kasi para sa akin, healthy naman akong tao.”
Binigyang-diin ng aktor na mahalagang manatiling disiplinado sa pagkain at lifestyle, lalo na sa ganitong kondisyon. Bukod sa pag-inom ng gamot, ang tamang mindset at pananampalataya ay malaking tulong sa pagpapatatag ng loob.
“May mga bagay talagang dumarating sa buhay na di mo inaasahan, pero kailangan mong tanggapin. Ang importante, patuloy kang lumaban at huwag mawalan ng pag-asa.”
Dahil sa kanyang pagiging bukas sa publiko tungkol sa sakit, maraming netizens ang nagpahayag ng paghanga kay Sam. Marami ang nagsabing nagbibigay siya ng inspirasyon sa mga kapwa Pilipinong may parehong karamdaman, dahil pinapakita niyang hindi ito hadlang upang ipagpatuloy ang buhay at ang karera.
Ang pag-amin ni Sam Milby sa kanyang sakit ay hindi pagpapakita ng kahinaan, kundi isang halimbawa ng katapangan at pananampalataya. Sa kabila ng hamon ng pagkakaroon ng Type 1.5 diabetes, pinili niyang magpatuloy at magbigay-inspirasyon sa iba.
Walang komento:
Mag-post ng isang Komento