Isang makabuluhan at matapang na sandali ang naganap sa Cinemalaya 2025 Awards Night matapos ang emotional acceptance speech ng aktor na si Mikoy Morales.
“Mabuhay ang pelikulang Pilipino, Artista ng Bayan! Ngayong lumalaban, ikulong ang mga kurakot! Salamat at magandang gabi sa inyong lahat,” saad ni Mikoy, na sinundan ng malakas na palakpakan mula sa mga manonood.
Matapos tanggapin ang kanyang parangal, ginamit ni Mikoy ang pagkakataon upang ipahayag ang kanyang paninindigan laban sa katiwalian sa pamahalaan, partikular na ang isyu ng trillion peso flood control project anomaly na nagdulot ng pambansang diskusyon.
Sa gitna ng selebrasyon ng sining, hindi napigilan ni Mikoy na gamitin ang kanyang plataporma upang manindigan. Ang kanyang pahayag ay hindi lamang pagbatikos, kundi panawagan para sa hustisya at pananagutan sa mga opisyal ng gobyerno na nasasangkot sa mga katiwaliang proyekto.
Ipinakita rin ni Mikoy na ang pagiging artista ay higit pa sa pag-arte, ito ay isang tungkulin sa lipunan upang ipahayag ang katotohanan at ipaglaban ang karapatan ng bayan.
Agad na naging viral sa social media ang clip ng kanyang talumpati.
Marami ang pumuri sa tapang ni Mikoy Morales, at tinawag siyang “Artista ng Bayan na may paninindigan.”
Walang komento:
Mag-post ng isang Komento