Sa gitna ng matinding dalamhati, naglabas ng mabigat na saloobin si Kuya Kim Atienza kaugnay ng pagpanaw ng kanyang anak na si Emman, na binawian ng buhay dahil sa depression. Sa isang emosyonal na pahayag, inamin ng TV host at environmental advocate na malalim ang kanyang pagsisisi sa mga panahong mas pinili niya ang trabaho kaysa sa oras kasama ang pamilya.
“If I could just turn back time, I’d choose moments with them over career and money,” ani Kuya Kim, habang binabalikan ang mga taon na abala siya sa kanyang karera bilang isa sa pinakakilalang TV personalities sa bansa.
Ayon kay Kuya Kim, bagama’t lumago ang kanyang career at natupad niya ang maraming pangarap, hindi niya mapapalitan ang mga sandaling nawala lalo na ang oras na dapat ay ginugol niya sa kanyang mga anak.
“Lumawig ang career ko, pero mas naging masaya ako kung noong mga bata pa sila nakabonding ko ng madalas. Akala ko binalanse ko lahat, pero sa mata ng mga bata, hindi. They want you,” dagdag ni Kuya Kim.
Ang kanyang mga salitang ito ay tumagos sa puso ng maraming magulang na, tulad niya, minsan ay nasisilo ng trabaho, ambisyon, at pangarap para sa kinabukasan ngunit nakakalimutang ang oras at presensya ay siyang pinakamasayang regalo na maibibigay sa mga anak.
Ang mensahe ni Kuya Kim ay hindi lamang kwento ng kalungkutan, kundi isang paalala ng pagmamahal at pagbabalik-loob sa mga tunay na mahalaga sa buhay. Marami sa mga netizens ang nagpahayag ng pakikiramay at paghanga sa tapang ni Kuya Kim sa pag-amin ng kanyang mga pagkukulang at pagsisisi bilang ama.
Ang mga salitang binitiwan ni Kuya Kim Atienza ay higit pa sa simpleng mensahe ng pangungulila, ito ay isang panawagan sa mga magulang na pahalagahan ang oras na kasama ang kanilang mga anak.
Walang komento:
Mag-post ng isang Komento