Hindi napigilan ni Vice Ganda ang kanyang labis na pagkadismaya at emosyonal na reaksyon matapos personal na makita ang kalunos-lunos na kalagayan ng isang pampublikong paaralan sa probinsya ni Heart Evangelista. Ayon sa kanya, tila napapabayaan ng gobyerno ang ganitong mga institusyon, na dapat sana ay nagsisilbing haligi ng edukasyon para sa mga kabataang Pilipino.
Sa isang panayam, emosyonal na ibinahagi ni Vice Ganda ang kanyang karanasan:
“Doon sa probinsya ni Heart Evangelista, pinagawa ko yung eskwelahan na walang reading materials. I cried so much when I saw that school. Bulok yung paaralan doon sa lugar nila Heart Evangelista. Kailangan ng tulong ng mga Pilipinong magulang mula sa pamahalaan.”
Ayon kay Vice, hindi niya inaasahang makakita ng ganitong kalagayan sa isang panahon kung saan patuloy namang nagbabayad ng buwis nang tapat ang mga mamamayan. Dahil dito, napatanong siya kung gumagana pa ba nang maayos ang sistema ng gobyerno, lalo na pagdating sa pangangalaga ng sektor ng edukasyon.
“Nagbabayad tayo ng buwis para sa ganitong mga bagay para sa mga bata, para sa kinabukasan nila. Pero bakit parang may mga lugar pa rin na walang librong mabasa at halos sira na ang mga silid-aralan?” dagdag pa ng komedyante.
Dahil sa nakita, nagsagawa si Vice ng inisyatiba upang makatulong sa paaralan kabilang dito ang pagpapagawa ng ilang bahagi ng gusali at pagbibigay ng mga reading materials sa mga estudyante. Marami ang pumuri sa kanya sa social media, tinawag siyang “inspirasyon ng bayan” dahil sa malasakit niya sa mga kabataan, kahit hindi naman siya bahagi ng gobyerno.
Ang pagkadismaya ni Vice Ganda ay sumasalamin sa hinaing ng karaniwang Pilipino mga taong nagbabayad ng buwis at umaasang mapupunta ito sa tamang proyekto, lalo na sa edukasyon.
Walang komento:
Mag-post ng isang Komento