Hindi pinalampas ng dating Pinoy Big Brother (PBB) Otso housemate na si Lie Reposposa ang isang viral Facebook post na nagkumpara sa mga Tagalog at Bisaya, kung saan ipinapakita umano na ang mga Tagalog ay nagsisikap sa trabaho samantalang ang mga Bisaya naman ay nakadepende sa pagkakaroon ng foreigner partner para umunlad.
Sa nasabing post, ginamit pa ang larawan ni Lie kasama ang kanyang British fiancé na si Paul Joshua Marsden, dahilan upang maglabas siya ng matapang na pahayag sa kanyang social media account.
“Hindi ko na sana papatulan ’to, pero bored ako. FYI: Hindi Kano ang sagot sa kahirapan. Kahit alien pa jowain mo, kung wala kang diskarte sa buhay, broke ka pa rin,” ani Lie sa kanyang post.
Dagdag pa ng singer-influencer, nakakalungkot daw isipin na sa halip na magtulungan bilang mga Pilipino, ay mas pinipili ng ilan na magbaba ng kapwa Pilipino base sa pinagmulan o accent.
“Bisaya man o Tagalog, pareho tayong Pilipino. Magkaiba lang ng salita, pero pareho lang ang hangarin makaahon sa buhay,” giit ni Lie.
Marami ang sumuporta kay Lie, lalo na sa mga kapwa niyang Bisaya na ipinagmamalaki ang sipag, tiyaga, at diskarte ng mga taga-Mindanao at Visayas sa kabila ng diskriminasyon.
Ang naging tugon ni Lie Reposposa ay higit pa sa simpleng depensa ito ay isang panawagan para sa pagkakaisa at respeto sa kabila ng pagkakaiba ng wika o pinagmulan.
Sa panahon ngayon kung saan laganap pa rin ang regional discrimination, ang boses ni Lie ay paalala na ang tunay na pag-unlad ay nagmumula sa diskarte, hindi sa ugnayan o sa bansang pinagmulan ng kapareha
Walang komento:
Mag-post ng isang Komento