Nanawagan si dating senador Panfilo “Ping” Lacson kay Former House Speaker Martin Romualdez na personal na humarap at ipagtanggol ang sarili sa gaganaping Blue Ribbon Committee hearing, kasunod ng mga alegasyon na binitiwan ni Technical Sergeant Guteza.
Ayon kay Lacson, mahalagang marinig mismo sa bibig ni Romualdez ang kanyang panig upang malinawan ang publiko sa mga isyung ibinabato sa kanya.
“Bibigyan natin si Martin Romualdez ng pagkakataon para ipagtanggol ‘yung kanyang sarili doon sa salaysay na binitiwan ni Technical Sergeant Guteza,” pahayag ni Lacson.
Idinagdag pa ng dating senador na ang ganitong hakbang ay hindi lamang para sa sariling reputasyon ni Romualdez, kundi para rin sa integridad ng pamahalaan at tiwala ng sambayanang Pilipino.
“Kapag may isyung kinasasangkutan ang mga nasa posisyon, pinakamagandang depensa ang katotohanan. Kung wala kang tinatago, harapin mo. Ang pagtahimik ay nagdudulot lang ng mas maraming tanong,” ani Lacson.
Ang naturang pahayag ay kasunod ng mga kontrobersyal na alegasyon ni Technical Sergeant Guteza, na nagdulot ng mga katanungan ukol sa paggamit ng ilang pondo at posibleng paglabag sa pamantayan ng serbisyo publiko.
“Hindi ko ito sinasabi bilang akusasyon, kundi bilang panawagan para sa transparency at good governance. Ang tiwala ng tao ay parang salamin kapag nabasag, mahirap buuin. Kaya kung ako kay Former Speaker Romualdez, haharapin ko ito ng may dangal at tapang. Sa ganitong paraan, hindi lang pangalan niya ang kanyang nililinis, kundi pati ang integridad ng posisyong kanyang hawak.” - Ping Lacson
Para kay Lacson, hindi dapat iwasan ni Romualdez ang imbestigasyon, bagkus ay gamitin ito bilang pagkakataon upang linisin ang kanyang pangalan at ipakita ang kanyang katapatan sa bayan.
Sa panawagan ni Ping Lacson, muling ipinapaalala sa mga opisyal ng gobyerno ang kahalagahan ng pananagutan at katapatan sa serbisyo publiko. Sa panahon kung saan maraming isyu ng katiwalian ang bumabalot sa pamahalaan, ang pagsasabi ng katotohanan sa harap ng sambayanan ang pinakamabisang paraan upang maibalik ang tiwala ng taumbayan.
Walang komento:
Mag-post ng isang Komento