Sa isang makabagbag-damdaming pahayag, muling pinaalalahanan ng batikang komedyante at TV host na si Joey De Leon ang publiko tungkol sa kahalagahan ng pagpapahalaga at paggalang sa mga magulang. Sa isang viral post, sinabi niya:
"Kung may matutulungan kayo, unahin niyo muna ang magulang niyo. Sila ang dahilan kung bakit kayo nandito. “Wala tayong mararating kung hindi dahil sa kanila. Ang bawat tagumpay na tinatamasa natin ngayon ay bunga ng kanilang sakripisyo. Kaya kung may maitulong ka, simulan mo sa kanila dahil sila ang unang tumulong sa’yo nang wala silang hinihinging kapalit.”
Ang simpleng pahayag na ito ay umani ng libo-libong reaksyon, komento, at pagbabahagi online, lalo na mula sa mga netizens na nakaka-relate sa sakripisyo at pagmamahal ng kanilang mga magulang.
Ayon kay Joey, maraming kabataan ngayon ang mas inuuna ang kanilang mga kaibigan, kasintahan, o sarili kaysa sa kanilang mga magulang ang mga taong unang nagmahal at nagsakripisyo para sa kanila.
“Kung may pagkakataon tayong magbigay ng tulong, unahin natin silang naghirap at nagtiis para tayo’y mabuhay at magtagumpay,” aniya.
Idinagdag pa ng beteranong host na ang mga magulang ay hindi naghahangad ng marangyang kabayaran minsan ay sapat na sa kanila ang simpleng pag-alala, paggalang, at pagmamahal ng kanilang mga anak.
Sa panahong mabilis ang takbo ng buhay at maraming tukso ng modernong mundo, madalas nating nakakalimutang bumalik sa pinagmulan ng ating tagumpay, ang ating mga magulang. Ang mensahe ni Joey De Leon ay isang malakas na paalala: bago natin tulungan ang iba, tiyakin muna nating napapasalamatan at napapahalagahan natin ang mga taong unang nagmahal sa atin.
Walang komento:
Mag-post ng isang Komento