Nagbigay ng matapang na pahayag si Pangulong Ferdinand Marcos Jr. na hindi titigil ang gobyerno sa pagtugis laban sa mga anomalya sa flood control projects hangga’t hindi napapanagot ang mga tinatawag niyang “big fish” o malalaking personalidad sa likod ng katiwalian.
"The truth has to come out. Hindi puwedeng magbulag-bulagan na lang tayo. Walang exempted dito—lahat ng sangkot, kahit kaalyado, ay dapat managot. We will pursue the big fish, not just the small fry." -Pangulong Ferdinand Marcos Jr.
Sa kanyang pinakabagong podcast episode, iginiit ng Pangulo na tanging sa pamamagitan ng matibay na ebidensya lamang maghahain ng kaso upang matiyak na ang mga tunay na nasa likod ng sistema ng korapsyon ang mananagot.
“The truth has to come out… We turned a blind eye, we pretended not to hear, that’s why we ended up here,” ani Marcos, sabay diin na walang exempted, kahit pa kaalyado sa politika.
Ayon pa sa kanya, bukod sa imbestigasyon ng Kongreso, bubuo ang Malacañang ng isang independent three-man commission na may kapangyarihang magsagawa ng masusing imbestigasyon at susuportahan ng lahat ng ahensya ng gobyerno.
Layunin ng komisyong ito na alamin ang buong lawak ng iregularidad sa flood control projects, isang usaping lumalaki at naglalantad ng mga pangalan ng contractor at politiko na diumano’y tumatanggap ng kickback mula sa mga kontrata.
Ang pahayag ni Pangulong Ferdinand Marcos Jr. ay malinaw na indikasyon ng determinasyon ng gobyerno na tapusin ang kultura ng katiwalian sa flood control projects. Sa pagbibigay-diin sa “big fish”, ipinapakita ng Pangulo na hindi sapat na mahuli lamang ang maliliit na sangkot; kailangang panagutin ang mga nasa likod ng sistematikong pang-aabuso sa pondo ng bayan.
Walang komento:
Mag-post ng isang Komento