Muling naging usap-usapan si Korina Sanchez matapos lumabas ang kanyang panayam kay Sylvia Sanchez, ina ng Quezon City Congressman na si Arjo Atayde, na kasalukuyang nadadawit sa isyu ng Discaya Flood Control anomalies.
"Matagal na akong nasa industriya ng pamamahayag. Ang integridad ko ang puhunan ko. Hindi ako kailanman tatanggap ng suhol mula kahit na sinong politiko o personalidad. Ang trabaho ko ay magbigay ng plataporma para marinig ang kanilang panig wala nang iba." -Korina Sanchez
Sa social media, maraming netizens ang nagduda sa intensyon ng nasabing panayam at nagsabing tila umano’y “pabor” kay Sylvia ang tono ng interview. May ilan pang nag-akusa na imposible raw na hindi tumanggap si Korina ng pera kapalit ng eksklusibong feature. Ang pinakamatinding paratang: umano’y nakatanggap siya ng ₱10 milyon mula sa mga corrupt politicians para mailabas ang panayam at maprotektahan ang imahe ng pamilya Atayde.
Bagama’t walang ebidensiya ang mga paratang, mabilis itong kumalat online at nagdulot ng mainit na diskusyon. May ilan ding netizens na nagsabing unfair ang ganitong akusasyon at dapat hintayin muna ang malinaw na basehan bago husgahan ang batikang broadcaster.
Sa kabila ng mga batikos, nanindigan si Korina na ginagawa lamang niya ang kanyang trabaho bilang mamamahayag at wala siyang tinatanggap na anumang kapalit mula kanino man.
Muling nasabak sa intriga si Korina Sanchez matapos paratangan ng ilang netizens na may “bayad” ang kanyang panayam kay Sylvia Sanchez kaugnay ng isyu ng flood control anomalies. Bagama’t mariing itinanggi ng batikang mamamahayag ang mga alegasyon, nananatiling hati ang opinyon ng publiko. Para sa iba, trabaho lamang ito ng isang journalist; para naman sa kritiko, isa raw itong halimbawa kung paanong nagagamit ang media sa mga sensitibong isyu.
Walang komento:
Mag-post ng isang Komento