Usap-usapan muli sa social media ang milyon-milyong mansion ng beteranang aktres na si Sylvia Sanchez-Atayde, matapos lumutang ang pangalan ng kanyang anak na si Quezon City First District Rep. Arjo Atayde sa isyu ng umano’y anomalya sa flood control projects.
"Yung mansion na yan, bunga ng pawis at sakripisyo ko bilang aktres sa loob ng maraming taon. Huwag sanang idawit ang pamilya ko sa mga isyung hindi namin kinalaman. Ang pinaghirapan ko, pinaghirapan ko nang malinis." -Sylvia Sanchez
Ayon sa ilang netizens, muling nabuhay ang mga larawan at video ng napakalaking bahay ng pamilya Atayde sa Maynila na unang ipinakita sa isang panayam kay Sylvia ni broadcast journalist Karen Davila anim na buwan na ang nakararaan. Sa naturang feature, ipinakita ang lawak ng mansion at mga modernong disenyo nito, na anila’y malinaw na bunga ng dekadang pagtatrabaho ni Sylvia sa industriya ng showbiz.
Gayunpaman, hindi naiwasang mag-iwan ng komento ang publiko, na nag-uugnay sa nasabing mansion sa mga alegasyon laban kay Arjo. Para sa ilan, mistulang “timing” daw ang muling pagbabalik-tanaw sa mansyon, habang para naman sa iba, malinaw na matagal nang pinaghirapan ng pamilya ang kanilang yaman.
Mariin namang pinaninindigan ni Sylvia na ang kanilang mga naipundar, kabilang ang mansion, ay bunga ng kanyang mahigit tatlong dekadang career sa showbiz at hindi dapat iugnay sa pulitika ng anak.
Ang mansion ni Sylvia Sanchez-Atayde ay muling nasa mata ng publiko kasabay ng kontrobersiyang kinahaharap ng kanyang anak na si Arjo Atayde. Para kay Sylvia, ang kanilang yaman ay bunga ng mahabang panahon ng pagsusumikap at hindi dapat iugnay sa mga alegasyong bumabalot sa politika. Gayunpaman, nananatiling mainit na usapin ito sa social media, na muling nagpapaalala kung gaano kabilis makahanap ng koneksyon ang netizens sa mga isyu at intriga.
Walang komento:
Mag-post ng isang Komento