Naglabas ng matapang at diretsong pahayag si Pasig City Mayor Vico Sotto ukol sa lumalalang usapin tungkol sa umano’y kwestyunableng yaman ng pamilyang Discaya, na kasalukuyang iniimbestigahan dahil sa kaugnayan nila sa mga flood control projects ng gobyerno.
Ayon kay Sotto, marami na siyang nakilalang mayayamang negosyante, pero kahit ang ilan sa pinakamalalaki at pabilonyaryong negosyo ay tila hindi kayang umabot sa ganoong antas ng luho na ipinapakita ng pamilyang Discaya.
“Marami naman akong kakilalang mga mayayaman, may mga malalaking negosyo pero hindi naman gano’n... Kahit siguro pabilonyaryo na, hindi mo naman maa-afford ‘yung gano’n e. ‘Yung ibang mga nakikita natin even sa social media, parang imposible e unless hindi pinaghirapan siguro,” ani Sotto. -Vico Sotto
Idinagdag pa niya na tila nagbago na ang takbo ng panahon kung saan ang mga kuwento ng tagumpay ay dating “rags to riches.” Ngayon, ayon kay Sotto, mas madalas na ikumpara ito sa “robs to riches,” na nagpapahiwatig ng malalim na hinala sa pinagmulan ng kanilang yaman.
Nag-viral agad ang pahayag ng alkalde at umani ng samu’t saring reaksyon mula sa mga netizens. Marami ang pumuri sa kanyang katapangan at pagiging diretso sa pagsasalita, habang may ilan din na nagkomento na dapat hintayin ang resulta ng imbestigasyon bago magbigay ng hatol.
Ang pahayag ni Vico Sotto ay hindi lamang basta pasaring kundi isang malakas na boses ng paghihigpit laban sa korapsyon. Sa panahon kung saan ang tiwala ng publiko ay madalas nababahiran ng duda, ang kanyang paninindigan ay nagsisilbing paalala na ang tunay na yaman ay dapat nagmumula sa marangal na paraan.
Walang komento:
Mag-post ng isang Komento