Sa panahon ng tumataas na presyo ng gasolina at patuloy na problema sa transportasyon, isang estudyante mula sa Gingoog City, Misamis Oriental ang nagsilbing inspirasyon sa marami matapos makita nakasakay sa kabayo habang papunta sa paaralan.
“Hindi naman po mahalaga kung anong sasakyan ang gamit ko. Ang mahalaga po, makapasok ako at matuto,” ani ng estudyante sa isang panayam.
Ang estudyante, na hindi pa nakikilala, ay tinutungo ang Christ the King College gamit ang isang kabayong walang saddle o stirrups bareback kung tawagin. Sa kabila ng modernong panahon, pinili ng binata ang isang environment friendly na paraan ng pagbiyahe, bagay na hinangaan ng netizens.
Agad na kumalat ang mga larawan at video ng estudyante sa social media. Umulan ng mga nakakatuwa ngunit positibong komento mula sa mga netizens:
“Yung kabayo niya mas mahal pa sa motor ko!”
“Environment-friendly ang service ni kuya. ’Di apektado ng taas-presyo sa gasolina.”
“Parang emperor lang sa K-drama, hahaha!”
“Late na siya, buti na lang naka-Ferrari!”
Sa kabila ng katuwaan, naging malinaw ang mensahe ng kabataang ito: kapag may dedikasyon, may paraan.
Ayon sa mga nakakakilala sa estudyante, araw-araw nitong nilalakad ang ilang kilometro para lang makapasok sa klase. Hindi hadlang ang kakulangan sa pera o transportasyon para sa isang taong pursigido sa edukasyon.
Sa panahong marami ang sumusuko sa simpleng hirap, ang estudyanteng ito ay nagpapaalala na ang tunay na pagnanais matuto ay hindi nasusukat sa klase ng sasakyan kundi sa tibay ng loob at sipag. Hindi lang siya naghatid ng ngiti sa social media nag-iwan din siya ng mahalagang aral sa lahat.
“Basta gusto mong matuto, kahit anong paraan kahit kabayo pa gagawan mo ng solusyon,” matapang na pahayag ng estudyante.
Walang komento:
Mag-post ng isang Komento