Isang Korean content creator na naka-base sa Pilipinas ang kinondena ng publiko matapos kumalat ang mga video niya na iniinom ang gatas ng mga Pilipinang ina kapalit ng ₱500, at ginagawa ito on camera para sa kanyang online content.
"Being an influencer is not just about getting views, but about responsibility. Spreading content that degrades the dignity of others — especially the vulnerable and women — is not entertainment, but a clear form of exploitation. It’s not too late to learn, apologize, and make things right." - Korean Content Creator
Ang kanyang mga video ay nagpapakita ng paglapit sa mga ina na may dalang sanggol, pag-aalok ng pera, at pagkatapos ay pag-inom ng breast milk mula sa baby bottle habang nakatawa. Sa isa pang insidente, isang 21-anyos na ina ang napapayag sa halagang ₱500 rin — isang eksenang nakuha ring video at ipinalabas sa kanyang channel.
Hindi lamang mga Pilipino ang naalarma — maging mga Koreano sa Pilipinas at South Korea ay nagpahayag ng matinding pagkadismaya. Sa mga social media post at komento, sinabing ang ganitong klaseng content ay “walang hiya,” “nakakabastos,” at sumisira sa imahe ng mga Koreano sa ibang bansa.”
“He is humiliating others for views,” ani ng isang Korean commenter.
“Sanctions are needed before more damage is done to our reputation.”
Ayon sa Korean news program na Crime Chief, hindi lang ito ang problematikong content ng nasabing YouTuber. Kasama rin sa kanyang mga uploads ang pag-inom habang kasama ang mga Pilipinang babae at ang pagpo-post ng mga video kung saan may lumalabas na mga menor de edad.
Marami ang nagsabing eksplisitong pang-aabuso ito sa kahirapan ng mga ina, at paggamit ng pera para mapahiya at pagsamantalahan ang kababaihang Pilipino.
Ang ganitong uri ng content ay hindi simpleng katuwaan — ito ay eksplisitong anyo ng pananamantala, at isang malinaw na halimbawa ng paggamit sa kahirapan ng Pilipino para sa sariling pakinabang. Habang may mga nagsasabing “content lang ’yan,” hindi dapat balewalain ang epekto nito sa dignidad ng kababaihan, sa kultura ng Pilipinas, at maging sa imahe ng mga banyagang naninirahan dito.
Sa panahon ng viral culture, hindi lahat ng nakakakuha ng views ay dapat papurihan. Ang responsibilidad ay hindi lang nasa content creator, kundi pati na rin sa mga platform at manonood.
Walang komento:
Mag-post ng isang Komento