Ngayong Lunes, Mayo 19, 2025, opisyal nang naiproklama ang Akbayan party-list bilang nangungunang nanalo sa katatapos na halalan. Isa ito sa mga pinakaabangang resulta, at marami ang natuwa nang malamang ang tatlong kinatawan nito ay pawang kilala sa kanilang malasakit sa karapatang pantao, kabataan, at mga marginalized na sektor.
"Ang pagkakaluklok namin sa Kongreso ay hindi tagumpay lamang ng Akbayan, kundi tagumpay ng bawat Pilipinong naniniwala sa demokrasya, karapatan, at katotohanan. Hinding-hindi namin bibiguin ang tiwalang ito. Magsisimula na ang totoong laban para sa bayan." - Chel Diokno
Chel Diokno, isang batikang human rights lawyer at aktibista, ang mangunguna sa hanay. Kilala siya sa kanyang paninindigan para sa hustisya at demokrasya. Kasama niya sina:
Perci Cendaña, dating National Youth Commission Chairperson at aktibong tagapagtanggol ng karapatan ng kabataan at LGBTQIA+ community.
Dadah Kiram Ismula, isang kinatawan mula sa Bangsamoro region na aktibong lumalaban para sa karapatan ng mga Moro at kababaihan.
Sa pagbubukas ng Ika-20 Kongreso sa Hulyo, inaasahang paiinitin nila ang Kamara sa pamamagitan ng pagsusulong ng mga makabuluhang panukala para sa mga mamamayan.
Ang Akbayan ay may matagal nang track record sa pagsusulong ng progresibong adbokasiya:
Kalayaan sa pamamahayag
Proteksyon sa mga manggagawa
Pantay-pantay na karapatan para sa lahat
Malinis na gobyerno at hustisya para sa masa
Ngayong may tatlo silang kinatawan, mas malaki ang tsansang marinig at maisabatas ang mga panukalang ito.
Ang pagkapanalo ng Akbayan ay malinaw na mensahe mula sa sambayanan — gusto ng mga Pilipino ng tunay na pagbabago at mas maraming boses ng taong-bayan sa gobyerno. Sa pamumuno nina Chel, Perci, at Dadah, tiyak na magkakaroon ng matinong laban sa loob ng Kongreso para sa karapatan, katarungan, at kaunlaran.
Walang komento:
Mag-post ng isang Komento