a kabila ng pagkatalo sa 2025 midterm elections, Philip Salvador, beteranong aktor at senatorial candidate, ay malakas ang panawagan para sa manual counting ng mga boto. Ayon sa kanya, maraming kababayan ang nagtatanong kung saan napunta ang kanilang mga boto — at nais niyang magkaroon ng linaw at pananagutan mula sa Commission on Elections (Comelec).
"Ang laban ko ay hindi lang para sa sarili ko, kundi para sa bawat Pilipinong nagtiwala at bumoto. Kung may alinlangan ang taumbayan, responsibilidad ng gobyerno na linawin ito. Hindi ako tumitigil dahil talo — tumitindig ako para sa katotohanan." - Philip Salvador
Sa isang panayam matapos ang eleksyon, ibinahagi ni Salvador ang mga reklamo at agam-agam ng ilang botante.
“Alam niyo po, madami ang nagtatanong na kapwa Pilipino. Ano po ang nangyari sa boto namin?”
Ibinunyag rin niya na sumusuporta siya sa panawagan para sa manual counting, tulad ng naunang pahayag ni Pastor Apollo Quiboloy — isa ring talunang kandidato sa Senado.
“Yung manual counting, sinasabi ng mga kasama, doon ako nakikinig,” dagdag ni Salvador.
Bagamat nagtamo siya ng 10,145,595 na boto, hindi ito naging sapat upang mapasama sa Top 12, kaya’t nagtapos siya sa ikalabing-siyam (19th) na puwesto.
Hindi umano isyu rito ang talo o panalo, kundi ang tiwala ng publiko sa proseso ng eleksyon. Para kay Salvador, mas magiging kapanipaniwala ang resulta kung babalikan ang tradisyonal na manual counting, lalo na sa gitna ng mga ispekulasyon at duda ng ilang sektor.
Hindi lamang simpleng pagkwestyon sa pagkatalo ang mensahe ni Philip Salvador — kundi isang panawagan ng karaniwang Pilipino para sa mas malinaw at patas na eleksyon. Sa dami ng botong nakuha niya, hindi maikakailang may suporta siyang natanggap mula sa masa.
Walang komento:
Mag-post ng isang Komento